வருவாய் துறை

வருவாய்த்துறை கீழ்க்கண்ட பரந்த குறிக்கோள்களை அடிப்படையாக கொண்டு செயல்பட்டு வருகிறது.

  1. தமிழ்நாட்டில் நடைமுறைபடுத்தப்படும் பல்வேறு திட்டங்களின் பயன்களை சிறந்த முறையில் மக்களிடையே கொண்டு செல்வது.
  2. இயற்கை இடர்பாடுகளால் பாதிக்கப்பட்ட மக்களுக்கு நிவாரணம் மற்றும் மறுவாழ்வு அளித்தல்.
  3. தமிழ்நாட்டில் உள்ள அனைத்து அரசு நிலங்களைப் பாதுகாத்து, முறையாக நில ஆவணங்கள் பராமரித்தல்
  4. நிலச்சீர்த்திருத்த சட்டங்களை நடைமுறைப்படுத்துதல் மற்றும் தேவையின் அடிப்படையில் தகுதியானவர்களுக்கு நிலம் வழங்குதல்.
இத்துறையானது விவசாயிகள், மாணவர்கள், வேலை வாய்ப்பில்லாதவர்கள், பணிபுரிபவர்கள், சமூகத்தின் அடித்தட்டு மக்கள், தொழில் முனைவோர் மற்றும் தொழிற்சாலை ஆகியோருக்கான சேவைகள் வழங்குவது மற்றும் தேவையான சான்றிதழ்களான சாதிச்சான்றிதழ், பிறப்பு சான்றிதழ், இறப்பு சான்றிதழ், வாரிசுச் சான்றிதழ், வருமான சான்றிதழ், நில உடமைகளில் உரிய திருத்தம் மற்றும் பல்வேறு உரிமங்கள் வழங்குவதன் மூலம் அவர்களின் மேம்பாட்டிற்கு இத்துறை வழிவகுக்கிறது. மேலும் இந்திய தேர்தல் ஆணையம் நடத்தும் அனைத்து வகையான தேர்தல்களிலும் வருவாய் மற்றும் பேரிடர் மேலாண்மைத்துறையின் பங்கு மகத்தானது.

 

இத்துறை தொடங்கப்பட்டது முதல், இயற்கை சீற்றம் மற்றும் மனித சக்தியால் ஏற்படும் அழிவுகளிலிருந்து மீட்பு பணியை முன்னின்று மேற்கொள்கிறது. இயற்கை சீற்றத்தின் போது பாதிக்கப்படும் மக்களை மீட்டு, நிவாரணம், மறுவாழ்வு மற்றும் குடியமர்த்துதல் பணிகளை அளிப்பதில் முக்கிய பங்கு வகிக்கிறது. இத்துறை, பேரிடர் மேலாண்மை சம்மந்தமான எல்லா பணிகளையும் மேற்கொள்வதில் மையமாக விளங்குவதால் தமிழக அரசால் வருவாய் மற்றும் பேரிடர் மேலாண்மை துறை என தற்போது பெயர் மாற்றம் செய்யப்பட்டுள்ளது.

கீழே கொடுக்கப்பட்டுள்ள வருவாய் துறை அலுவலர்கள் மாவட்ட ஆட்சி தலைவருக்கு உதவுகிறார்கள்

  • மாவட்ட வருவாய் அலுவலர், நாகர்கோவில்
  • நேர்முக உதவியாளர் (பொது ), நாகர்கோவில்
  • நேர்முக உதவியாளர் (கணக்கு ), நாகர்கோவில்
  • சார்நிலை ஆட்சியர், பத்மநாபபுரம்
  • கோட்டாட்சியர், நாகர்கோவில்
  • உதவி நேர்முக உதவியாளர் (நிலம் ) , நாகர்கோவில்
  • மாவட்ட வழங்கல் அதிகாரி, நாகர்கோவில்
  • மாவட்ட பிற்படுத்தப்பட்டோர் நலத்துறை அதிகாரி, நாகர்கோவில்
  • மாவட்ட ஆதி திராவிடர் நலத்துறை அதிகாரி, நாகர்கோவில்
  • உதவி ஆணையாளர் (கலால்), நாகர்கோவில்
  • துணை இயக்குனர் (கனிமம்),நாகர்கோவில்>
  • வட்டாட்சியர், தோவாளை
  • வட்டாட்சியர், கல்குளம்
  • வட்டாட்சியர் அகஸ்தீஸ்வரம்
  • வட்டாட்சியர், விளவன் கோடு
  • வட்ட வழங்கல் அதிகாரிகள் (4 தாலுகா)
  • சிறப்பு வட்டாட்சியர்கள் (4 தாலுகா)
  • கோட்ட கலால் துறை அதிகாரி, கல்குளம்
  • கோட்ட கலால் துறை அதிகாரி , அகஸ்தீஸ்வரம்